စနေနေ့၌ မိုးခိုခြင်း
ကောင်းကင်က ...
ပင်လယ်တခု မှောက်ကျလာသလိုမျိုး
မိုးဟာ ...
နေရောင်ခြည်တွေ ရွှဲစိုလောက်အောင်ရွာလို့
အသံဗလံတွေ မျောပါသွားလောက်အောင်ရွာလို့
အချိန်နာရီတွေ နစ်မြုပ်ကုန်လောက်အောင်ရွာလို့။
ငါကတော့ ...
မှောင်ကျကျ လက်ဖက်ရည်ဆိုင်မှာ
မိုးခိုမိပေါ့။
ဟိုမှာ ...
တံစက်မြိတ်အောက်က ခိုတစ်ကောင်
အသုံမကျတဲ့ အတောင်နဲ့၊
မှောင်လည်းမှောင်၊ တိတ်လည်း တိတ်ဆိတ်
(မိုးသံကလွဲလို့ပေါ့လေ)။
ဒီလိုနဲ့ ...
မိုးကလွဲလို့
အားလုံးနဲ့ လွဲခဲ့ပေါ့။
သစ္စာနီ
No comments:
Post a Comment