star behind the sky

ငါတို့မြူးသည်၊ ထူးကဲချိန်ခါ၊

လသာညများ၊ ပြေးသွားလျင်စွာ၊

တောမှလှည့်ရင်း၊ မြင်ကွင်းကျယ်ကျယ်၊

လိုက်ဖွယ်အမဲ၊ ပေါများဆဲပင်၊

ကျွမ်းကျင်ကျစ်လစ်၊ တို့အားသစ်ဖို့-



အရုဏ်တက်၏၊ နှင်းစက်ပုလဲ၊

မပျက်ကွဲခင်၊

ချိုရွင်ရနံ့၊ တောလုံးပျံ ့ဖို့-



လန့်ထွက်သားကောင်၊ မိအောင်လိုက်ရင်း၊

မြူခွင်းပြေးလွှား၊ တို့ကစား့-



ပြေးလမ်းပိတ်၍၊ ထိပ်တိုက်လှည့်ခံ၊

ဆတ်အော်သံနှင့်၊

ဝံပုလွေသံ၊ တောလုံးညံဖို့-



ဘေးအန္တရာယ်၊ ကျရောက်လွယ်လည်း၊

အံ့ဖွယ်ဆန်းပြား၊ တောညများတွင်

ပျော်ရွင်မြူးကြွား၊ တို့ကျက်စားဖို့-



နေ့လည်နေ့ခင်း၊ ကိုယ့်ဝပ်ကျင်း

ဘေးကင်းရန်ကင်း၊ အိပ်ရင်းနားဖို့-



ငါတို့ရန်သူ ရင်ဆိုင်စို့။

ငါတို့တိုက်ဖို့ ထွက်ကြစို့။

အို အချင်တို့

ဟစ်ကြကြွေးကြစို့။





(တောဟေဝန် စွန့်စားခန်းများ)





နတ်ဆိုး