star behind the sky

တပွင့်လည်း ပန်း..

နှစ်ပွင့်လည်း ပန်း..

သုံးပွင့်လည်း ပန်း..

နှစ်ပွင့်က ကြီးကြီး.. တစ်ပွင့်က သေးသေး

အရောင်စုံအရွက်၊ အခက်အဖူးနဲ့ဆိုတော့

ရှင်သန်ခြင်းလို့ ပြောရင်လည်းပြောမယ်

ဖွင့်ဖြိုးခြင်းလို့ မြင်ကြဦးမယ်

မိသားစုလို့ တွေးရင်လည်း တွေးမယ်

ဒါပေမယ့် ပန်းဆိုမှတော့ ပန်းပဲပေါ့လေ

ဘာဖြစ်ရဦးမှာလည်း

ဖူးမယ်၊ ပွင့်မယ်၊ ဝင့်မယ်၊ လွင့်မယ်

ပြီးတော့ ကြွေမယ်

သင်္ကေတတွေဆိုပြီး

လေးစားချင်လည်း လေးစားကြ

အလှတရားရယ်လို့ ဆိုချင်လည်း ဆိုကြ

သံဝေဂတရားတွေလည် ရချင် ရကြ

ကျွတ်ကျွတ်ဝါးတိုင်း ကြေတယ်လို ့တော့ မထင်ကြလေနဲ့

ကျွန်တော်ပြောတယ် အဲဒါ ပန်းပွင့်ပဲ

ခင်ဗျားတို့ သိလား

လောကဆိုတာ…. မာယာ…. များတယ်။



နတ်ဆိုး